नेपाली कम्युनिष्ट पार्टी (नेकपा)ले नेता प्रकाशबहादुर बुढाथोकी (प्रकाश ज्वाला) लाई प्रवक्ताको जिम्मेवारी दिने तयारी गरेको छ ।
पार्टी मुख्यालय कोटेश्वर पेरिसडाँडामा जारी पूर्वपदाधिकारी सम्मिलित कार्यसंयोजन समितिको बैठकले उनलाई प्रवक्ताको जिम्मेवारी दिने निर्णयतर्फ अघि बढेको एक नेताले जानकारी दिएका छन् ।
बैठकमा संयोजक पुष्पकमल दाहाल ‘प्रचण्ड’ले प्रस्तुत गरेको कार्यविभाजन प्रस्तावमा बुढाथोकीलाई प्रवक्ताको जिम्मेवारी दिने उल्लेख गरिएको छ ।
यसअघि नेकपाको प्रवक्ताका रूपमा पूर्वसभामुख अग्निप्रसाद सापकोटा रहेका थिए ।
नेकपा माओवादी केन्द्र र एकीकृत समाजवादी एकीकरण भएर नेकपा गठन हुनुअघि बुढाथोकी समाजवादी पार्टीका उपाध्यक्षका रूपमा रहेका थिए ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
